Gjennom kommuneplanen sin arealdel 2018-2030 har Time kommunestyre vedteke at det skal leggast til rette for om lag 1200 dekar næringsareal på Kalberg. Desse areala er reserverte for kraftkrevjande verksemder, eventuelle støttefunksjonar til dei, og verksemder som kan bruka restvarmen. Det er svært få ledige næringsareal att i kommunen, og utvikling av dette området vil føra med seg vesentlege investeringar og gje mange nye arbeidsplassar.  

I tillegg legg kommuneplanen til rette for om lag 100 dekar med bustadformål og 135 dekar råstoffutvinning i arealet som er omfatta av områdeplan for Orstad-Nord, Kalberg, Frøyland og Kvernaland (plan-ID 2022003 i Klepp og 0548.00 i Time). Kommuneplanen viser dessutan traseen for omkøyringsvegen om Kvernaland. 

I kommuneplanen er det krav om at det skal utarbeidast ein områdeplan. Den 02.11.2021 godkjende kommunestyret ein avtale med Kalberg Utvikling, som nå heiter Time Energipark. Avtalen inneber at dei utarbeider, og tek kostnadane med utarbeiding av, denne områdeplanen. 

Planprogram for arbeidet med den aktuelle områdeplanen vart for Time kommune sin del vedteke 04.05.2022.   

Time Energipark sende i veke 23 over sitt forslag til områdeplan. I månadane som kjem skal Time kommune gå gjennom det foreløpige materialet som er sendt inn. 

Ein områdeplan er ein kommunal plan, men følger same prosess som ein privat reguleringsplan, sett bort frå at det ikkje er reglar for saksbehandlingstid.   

Som oversikten under viser er me framleis tidleg i planprosessen (den raude ramma). Moglegheita for innbyggarar og andre til å komma med innspel kjem etter 1. gongs behandling. Dette vert når Utval for lokal utvikling har vedteke at planforslaget kan verta sendt på høyring (i raud skrift under), etter planen ein gong i løpet av andre halvår i 2025.

Saksdokumenta som Time Energipark nå har sendt inn finn du nå lenker til under.