Formål
Byggeskikkprisen skal motivere til auka innsats og bevisstgjering for god byggeskikk i Time kommune.
Kven kan få byggeskikkprisen
Time kommune sin byggeskikkpris vert gitt til einskildpersonar, firma eller lag og foreiningar.
Ein kan gje prisen for nybygg, tilbygg, rehabilitering eller vern som på ein framifrå måte tek opp i seg dei lokale forholda. Særleg god arkitektur, universell utforming, materialbruk og detaljutforming bør vektleggjast.
Prisen kan ein og gje til andre tiltak som parkar, hagar og uteanlegg som i utforming og tilpassing gjer Time til ein god kommune å opphalda seg i eller vera i. Prisen skal tildelast eit anlegg/prosjekt som er ferdigstilt.
Kandidatar til byggeskikkprisen
Alle kan foreslå kandidatar til byggeskikkprisen. Forslag må leverast skriftleg til Time kommune.
Byggeskikkprisen
Prisen består av ein bronseplakett med innskrift som skal setjast på eller i anlegget.
Jury
Ein fagjury med to politiske medlemar, plan- og forvaltningssjef, arkitekt MNAL (oppnemnd av Norske arkitekters landsforbund - NLA) og landskapsarkitekt (oppnemnd av Norske landskapsarkitekters foreining – NLA) tilrår kven som skal få byggeskikkprisen. Kvart medlem i juryen skal ha personleg varamedlem. Juryen skal gje ei skriftleg grunngjeving for tilråding. Formannskapet vel leiar av juryen.
Jury sine oppgåver, ansvar og plikter
Juryen kan velje, som tillegg til innsendt materiale, å innhente grunngjevne forslag frå enkeltpersonar, foreiningar, faginstansar. Vurderinga skal gjennomførast etter prisen sitt formål og utlysningsteks. Juryen har høve til å nytte seg av rådgjevarar. Juryen skal gi ein skriftleg uttale for valet av prisvinnar. Oversikt over alle innkomne forslag skal leggjast ved. Uttalen skal vere underskriven av samtlege jurymedlemar.
For jurymedlemar og rådgjevarar sin habilitet gjeld forvaltningslova § 6 slik at alle forhold som er eigna til å svekke tilliten til eit jurymedlem eller ein rådgjevar sin upartiskheit medfører inhabilitet. I tilfelle inhabilitet hos eit jurymedlem skal varamedlem møte.
Juryen sin funksjonstid er 4 år.
Sekretariat
Sekretærfunksjonen vert lagt til plan- og forvaltningssjefen.
Sekretariatet skal utarbeida oversikt over aktuelle kandidatar og vurdering av desse. Arkitektar, konsulentar og handverkarar som har medverka til resultatet skal omtalast.
Avgjerd og utdeling
Utval for lokal utvikling avgjer om og kven som får byggeskikkprisen. Prisen vert delt ut av ordføraren og blir delt ut annakvart år dersom det er aktuelle kandidatar. Elles kvart fjerde år.
Tidlegare vinnarar
Kulturvernprisen
1994 May og Christian Stabel for bustadhus på Bryne
1995 Siri Gjesdal og Sven Mossige for Lensmannsgarden på Mossige
1996 Vigdis Skintveit og Kjell Torvund for bustadhus på Bryne
1997 Arne Johan Gjerde for bustadhus på Bryne
1998 Einvald Serigstad for gardsanlegg på Serigstad
1999 Hilleborg og Kjetil Sandve for bustadhus på Bryne
2000 Firma A. Tjemsland for forretningsbygg på Bryne
2001 Målfrid og Tore Norheim for gardsanlegg på Norheim
2002 Vestly grendalag for Vestly gamle skule på Vestly
2003 Reier Carlsen for bustad- og forretningslokale på Bryne
2004 David Njå for bustadhus på Njå
2005 Familien Sjo for forretningsbygg på Bryne
2006 Siv og Idar Egeland for bustadhus på Fotland
2007 Solveig og Helge Martinsen for bustadhus på Bryne
2008 Åslaug Undheim og Øyvind Nordsletten for «Arkjå» - bustadhus på Hognestad
2009 Elisabeth Hilde og Erik Nysted for bustadhus på Bryne
2010 Gro og Sigve Erland for bustadhus på Bryne
Byggeskikkprisen
2014 Anne Lovise Skailand og Hans Fjellanger for bustadhus i Rodlebakken
2015 Jartrud Gudmestad Undheim og Sigmar Undheim for bustadhus i Botn
2016 Benedicte og Trond Nessa for bustadhus på Bryne
2017 Mary og Rudin Ree for bustadhus på Bryne
2018 Foren burettslag for bustadhus på Kvernaland
2020 Berthe Svela Hognestad og Ivar Hognestad
2021 Arild Digernes for "Digerneshuset" - bustadhus på Norheim
2022 Jorunn Margrete Risa Ree og Tor Rune Ree for Heimly, Lendehuset
2023 Kåre Fotland for steingard-arbeid på Tjåland
2024 Reier Carlsen og Rune Underhaug for Aarresmiå og Steinslandshuset