Parkeringsplassen er open for parkering av bubilar kvar helg frå frå fredag kl. 17.00 til måndag kl. 07.00.

Frå 26. juni til 11. august 2025 er bubilparkeringa open kvar dag. Det er ikkje mogleg å reservera plass på førehand.

Pris: 100 kroner per døgn (inkludert vatn og søppeltøming)
Betaling: Vipps til nummer 564775 / Easypark takstgruppe 5060 - Bobilparkering, Rådhuset
Adresse: Røyrvika 10, 4340 Bryne
GPS: 
58.73643º N, 5.65374º Ø
58° 44′ 11.2″N, 5° 39′ 13.5″Ø
Toalett: Nei
Dusj: Nei
Straum: Nei
Tøming av toalett: Abobil Bryne

• Av brannomsyn må det vera minimum 4 meter avstand mellom bilane.
• Parker på tvers av oppmerka parkeringplassar.
• Pass på at det vert fri passasje for utrykningskjøretøy.
• Avfall kan du kasta i raud konteinar, og du kan tappa vatn frå krana (sjå skilting på området)
• Vis omsyn til naboane. Det skal vera ro på området frå kl. 23.00

Last ned kartskisse over bubilparkeringsplassane (PDF, 4 MB)

• bryne.no - oversikt over arrangement, butikkar og næring på Bryne
• Garborgsenteret
  • Garborgsenteret tilbyr byguiding
• Bryne kino

Turistkontor
Turistkontor for Time kommune finn du i hovudinngangen ved Time rådhus.

Leig el-sykkel
Du kan leiga elektriske bysyklar gjennom Kolumbus. På Bryne finn du parkering og ladestasjon for bysyklar utanfor Storstova kulturhus, Bryne stasjon og Håland industriområde.

Badeplassar
Kart og informasjon om badeplassar i Time. Gjennom sommaren vert sida oppdatert månadleg med badetemperatur og vasskvalitet.

Badebasseng
Sivdammen helsebasseng finn du i kjellaren på Sivdamsenteret. Bassenget er 12,5 meter langt og vatnet held 34 varmegrader. Bassenget er dessverre stengd til hausten 2025 på grunn av rehabilitering.

Ti turar i Time
Ta ein eller fleire av ti populære turar i Time kommune. Du kan lesa meir på nettsida vår.

Stolpejakten
Time kommune har plassert ut 95 stolpar, fleire av dei svært nær rådhuset. Du finn dei i Stolpejakt-appen, som du òg kan lesa meir om her.

Sandtangen og Midgardsormen
Frå bubilparkeringa er du berre ein kort spasertur unna friluftsområdet Sandtangen. Frå Sandtangen kan du følga stien ut til Midgardsormen og Njåskogen, eller til Klepp stasjon og Kvernaland.

Nærturar
Følg merka nærturar Bryne og andre stader i kommunen.

Jærruta - sykkelrute
14 mil på koselege vegar i ope landskap. Jærruta er ein sykkeltur for heile familien, og går på ei blanding av sykkelsti og lite trafikkerte vegar. Mogleg å leiga elsykkel.