Grå/svart dunk – Her kastar du plast og avfall som ikkje kan gjenvinnast (tilgrisa papir, oske, støvsugarposar, keramikk/porselen, gåvepapir, bleier og bind osv.). Sjekk sorteringsguiden om du er i tvil om noko. Dunken blir tømd kvar 2. veke.

 

Ekstra restavfall kostar 100 kroner per sekk.

Skal du levera meir restavfall enn det er plass til i dunken, kan du betala for å få levert ekstra sekk. Du kan betala med vipps nr 601079. Transaksjonsnummeret du då får oppgjeve skriv du med tusj på sekken. Bruk gjennomsiktig sekk. Du kan og, i opningstida på rådhuset, kjøpa klistermerke til å lima på ein gjennomsiktig sekk. Pris per sekk for begge ordningane er 100 kroner.

Sekk(er) med restavfall set du saman med dunken når det er tømming av restavfall.

Blå dunk – Her kastar du papiravfall (aviser, vekeblad, reklame, skrivepapir, mjuk/tynn papp/kartong). Sjekk sorteringsguiden om du er i tvil. Dunken blir tømd kvar 4. veke.

Matavfall: Dette kastar du i den brune dunken. Kast avfallet i ein matavfallspose før du kastar det i brun dunk. Dunken blir tømd kvar 2. veke (sjå dato i tømekalender).

Hageavfall: Det er ikkje lenger lov å kasta hageavfall i den brune dunken. Innbyggarar i Time kan bestilla eigen dunk for hageavfallet sitt. Les meir om dunk for hageavfall her.

Har du store menger hageavfall som du ønskjer å bli kvitt, kan du bestilla henting av dette på www.hentavfall.no. Gå inn på lenka for å finna meir informasjon om tenesta, samt bestillingsskjema. Hentetenesta er gratis for deg som bur i Time kommune.

Innbyggarar kan levera plastavfall på fire ulike returpunkt i Time. Ordninga er mellombels fram til sorteringsanlegget til IVAR igjen kan sortera ut plast frå restavfallet automatisk.

Returpunkta er etablert ved desse stadene:

• Coop Extra på Lye (Prestegardsmarka 2, 4347 Lyefjell)
• Samfunnshuset Kvernaland SA (Gamle Åslandsvegen 7, 4355 Kvernaland)
• Coop Prix Undheim (Kjelvevegen 1, 4342 Undheim)
• Kiwi Bryne Torg (Jernbanegata 13, 4340 Bryne)

Glas- og metallemballasje kan inntil ny ordning er på plass, leverast på eigne returpunkt. Oversikt over desse finn du her: Finn ut hvor du leverer avfall - Sortere

Nytt frå 2026:

I 2026 vil alle med renovasjonsabonnement for hushaldsavfall få ein eigen dunk for glas- og metallemballasje. Denne vert utlevert i perioden januar-mars, og henteordninga startar opp etter påske. Dunken får turkis lokk med bilete av ei glasflaske på, og tømmedatoane finn du i tømmekalenderen 2026. Det er per i dag ikkje mogleg å velja vekk denne løysinga.

Korfor står det ikke glas- og metallemballasje på dunken?
Når sorteringsanlegget på Forus, som brann sommaren 2022, er tilbake i full drift, er planen at alt av metall skal i restavfallet. Då skal altså den nye dunken kun innehalda 
glas. Derfor merkar me han allereie nå med glasemballasje, men inntil vidare skal du altså bruka han til både både glas- og metallemballasje. Me vil informera innbyggarane 
våre når det kjem endringar i denne ordninga.

Kva med dei som har nedgrave anlegg?
Kastar du avfallet ditt i eit nedgrave anlegg som ikkje har eiga opning for denne typen avfall, kan du bruka nærmaste anlegg som har dette. Bur du i eit område der det er felles avfallsdunkar vil me setta ut dunk for glas- og metallemballasje der dei andre står. 

Grovavfall er avfall som ikkje får plass i vanlege søppelspann eller innkastluker til nedgravne konteinarar (møbler, store elektriske produkt, kvitevarer osv.). Det kan og vera gjenstandar som er fullt brukbare, men som du ønskjer å bli kvitt.

Kommunen kan henta grovavfall gratis heime hos deg. Denne tenesta bestiller du på www.hentavfall.no.

Mengda som skal hentast må vera på minimum 0,5 kubikkmeter og maksimum 3 kubikkmeter. 0,5 kubikkmeter tilsvara omtrent størrelsen på en vaskemaskin.

Avfallet skal setjast ut mot kjørbar veg, og då helst på eiga tomt. Ein god regel er at du plasserer avfallet du vil ha henta, på same staden som du set ut avfallsdunken for tøming. Avfallet skal setjast ut kvelden før, eller seinast kl 7.30 på sjølve hentedagen. Sett avfallet slik at det ikkje er til hinder for allmenn ferdsel og trafikk.

Abonnenten har sjølv ansvar for avfallet fram til det blir henta. Dekk gjerne til avfallet, om det er nedbør. Dette gjeld spesielt grovavfall som skal til bytteboda.

Dette er ikkje grovavfall:

• Bygningsavfall som vindu, dører eller plankar
• Hageavfall og juletrær
• Stein og jord
• Vanleg søppel som kan kastes i grå dunk

Raud boks – Her kastar du farleg avfall som blant anna lim, lakk, kjemikaliar, batteri, småelektronikk, matolje og lyspærer utan papp. Sjekk sorteringsguiden om du er i tvil.

Kommunen hentar farleg avfall gratis heime hos deg. Henting kan bestillast via www.hentavfall.no.

Den raude boksen skal setjast ut mot kjørbar veg, og då helst på eiga tomt. Ein god regel er at du plasserer avfallet du vil ha henta, på same staden som du set ut avfallsdunken for tøming. Avfallet skal setjast ut kvelden før, eller seinast kl 7.30 på sjølve hentedagen. Plasser avfallet slik at det ikkje er til hinder for allmenn ferdsel og trafikk. Abonnenten har sjølv ansvar for avfallet fram til det blir henta.

Har du ikkje raud boks?
Du kan henta den raude boksen på Innbyggarservice i rådhuset. Det er sjølvbetening, og du kan ta 1 stk. boks med til hushaldet gratis. Boksen kan og bestillast her.

• Informasjon om korleis du får tak i matavfallsposer 

Meld gjerne inn avvik via tenesta «MELD FEIL». Avvika kan vere manglande tøming, øydelagt avfallsdunk eller avfallsanlegg, forsøpling osv. Hugs å oppgi kontaktinformasjon, slik at me kan kontakta deg ved spørsmål eller anna.

Renovasjonsforskrifta.