Sanitærmeldingar og installasjonar

Frå 5 oktober 2020 vert rutinane for levering av sanitærmelding i Time Kommune endra. Alle sanitærsøknadar skal sendast via entreprenørportalen. Gamle søknadsskjema vil bli fjerna fortløpande etter oppstart. Dette gjeld alle søknadar på vass- og avløpsarbeid, vassmålar og påslepps- og utsleppsløyve. For å få tilgong til Entreprenørportalen må du registrere ein brukar. Når registreringa av føretaket er godkjend, får du ei lenke til Entreprenørportalen med eit Tenantnavn. Etterpå kan du legge til fleire brukarar til foretaket.

Spørsmål og henvendingar til Time kommune kan rettast til
ingerelise.sangolt@time.kommune.no (telefon 93 02 34 25) eller til
frode.mauritzen@time.kommune.no  (telefon 41 50 02 91).

Før det vert sett i gong arbeid på private stikkledningar for vatn og avløp skal kommunen godkjenna dette. Føretak som skal utføra rørleggararbeid og sanitærinstallasjonar skal vera godkjend i naudsynt tiltaksklasse (sentral eller lokal godkjenning) i tråd med plan- og bygningslova.

Ved søknadspliktig arbeid vert det krevd:

  • søknad om sanitærabonnement
  • situasjonskart med ledningar og bygningar påtegna
  • eventuelle erklæringar for ledningar som går over ein annan persons eigedom (felles ledningar)


Alt arbeid på innvendige og utvendige vass- og avløpsledningar skal søkast om. Etter at arbeidet er ferdig, må det søkast om ferdigmelding. Det må leggast med ei fil som viser korleis tiltaket ser ut, i SOSI-, gmi- eller kof-format i søknaden.