Når me skriv dette varslar Meteorologisk institutt om vindkast opp i 39 meter per sekund på Bryne klokka 14 i morgon, sundag. Grensa for orkan er 32,6 meter per sekund, og orkan er den kraftigaste kategorien på Beauforts skala. Altså er dette noko heilt utanom det vanlege, og absolutt ikkje krefter å spøka med.

Myndigheitene ber folk halda seg inne og utsetta reiser. Det kan oppstå skadar på bygg, skog og straumnett. Takstein og takplater kan blåsa av hus og bygningar. Folk vert oppfordra til å sikra lause gjenstandar i forkant av stormen. 

Følg med på vêrmeldinga her: Yr - Farevarsler i Norge

Les farevarselet her: Met.no

Vegar kan verta stengde, følg med på trafikken her: Vegvesen trafikk | Trafikkmeldinger, webkamera og ruteplanlegger

Kjem du over velta tre, søppeldunkar eller vatn på avvegar, kommunale vegar som ikkje er framkommelege eller noko anna som ikkje er som det skal, så kan du melda feil her: Meld feil - Hovedportal

… men du skal altså, strengt tatt, ikkje vera ute i morgon. Det kan vera svært farleg.

Merk òg at folka våre ikkje kan rydda opp før det er trygt, altså før vinden har løya litt.