Velferdsteknologi og E-helse

Kva er velferdsteknologi ?

Velferdsteknologi er teknologi som skal bidra til auka tryggleik, sikkerheit og sjølvhjelp

Det er viktig å kunne meistre kvardagen på best mogleg måte, både med og utan helseutfordringar. For å klare dette er det nødvendig å legga til rette i bustaden for å kunna ta i bruk teknologi og hjelpemiddel som bidrar til å gjera kvardagen enklare, smartare og tryggare.

Du kan få velferdsteknologiske hjelpemiddel frå kommunen eller NAV hjelpemiddelsentral.

Nyttige tips og tiltak du kan ordne sjølv
  • Fjerne filleryar og småtepper og legg sklisikring under tepper
  • Male rom i lyse fargar
  • Godt lys og forenkla lysstyring. Sørg for god belysning spesielt i trapper og inngangsparti
  • Automatisk belysning
  • Antisklimatte til dusjen
  • Senger og stolar som er enkle å kome seg ut og inn av. Dette kan gjerast med for eksempel heveklossar og spesialmøblar
  • Dusjkrakk
  • Støttehandtak i for eksempel dusj, ved toalett og seng
  • Røykvarslar
  • Komfyrvakt
  • Brannspray - for å sløkke mindre brannar
  • Timer til stikkontakt som kan skru av elektriske apparat
  • Lokk-opnar
  • Tubeklemmar
  • Bestikk med godt grep
  • Broddar til sko, krykker og stokk
  • Krykkehaldar
  • Stabiliserande skei som motverkar skjelvingar i handa
  • Stømpepåtrekkar
  • Gripetang
  • Enklare fjernkontroll  til TV
  • Nettbrett
  • Robotstøvsugar
  • Dørvarsel
  • Forenkla smarttelefon som er tilpassa
  • Eigenberedskap: Ha utstyr heime til å klare deg sjølv i inntil ei veke, inkludert vann, mat, medisinar, varme og radio på batteri
Kva kan eg gjera sjølv?

Det kan vera lurt å å tenkje gjennom kva slags bustad du har og kva moglegheiter bustaden har for tilpassing om du skulle få fysiske utfordringar.

  • Er det her eg skal fortsette å bu?
  • Er alle opphaldsrom på ei flate?
  • Er det trappefri tilkomst til huset?
  • Bur er i gangavstand til for eksempel busshaldeplass, togstasjon, nærbutikk og lege?
  • Korleis er standarden på det elektriske anlegget (brannsikkeheit)?
  • Har eg god nok internettlinje (gir moglegheit til å nytte hjelpemiddel som sender varsel ut av bustaden)?
  • Kan eg vera sosial med andre når eg ønskjer?

 

Det finst både låne- og tilskotsordningar som kan gjere det mogleg å finansiere tilpassning av bustaden din.

Les meir på Husbanken.no

Tilgjengeleg velferdsteknologi i Time

Tryggleiksalarm

Tryggleiksalarm er ein sensor som ei klokke.

Dersom du utløyser ein alarm, vil responssenteret umiddelbart ta kontakt med deg, vurdere nødvendig oppfølging og ved behov vil heimesjukepleien rykke ut, uansett når på døgnet det er.

Tryggleiksalarmen er ikkje ei akutt teneste. Dersom du treng tilsyn ved akutt sjukdom, må du ringja 113 eller legevakt.

 

GPS/Mobil tryggleiksalarm

Er ein tryggleiksalarm du kan ha med deg når du går ut. Dersom du treng hjelp eller er utrygg, kan du trykke på alarmen og pårørande blir varsla. Alarmen har innebygd GPS. Dette gjer det mogleg å finne ut kvar du er dersom det er behov for det. Det er dine pårørande som følgjer opp alarmen fra deg. Dei får tilgang til ein app på sin telefon slik at dei kan sjå kvar den mobile tryggleiksalarmen er.

Informasjon om tenesta tryggleiksalarm og GPS

 

Medisindispenser

Medisindispenser kan bidra til å halda oversikt over medisinar og doseringar. Dei gir påminningar om når medisinar skal takast og kan òg gi beskjed dersom ei dose blir gløymd. Dette bidrar til å sikre riktig medisinering og redusere risikoen for feil. Dispenseren varslar med lyd og/eller stemme når det er på tide å ta medisin, og dosen blir då gjort tilgjengeleg. Dispenseren kan automatisk varsle helsetenesta dersom medisinen ikkje blir tatt til riktig tid. Innbyggjaren kal planlegge sin kvardag utan å vente på heimetenesta.

I Time kommune kan vi tilby ulike dispenserar, avhengig av ditt behov. Ein medisindispenser som har ferdigpakka medisinar slik som multidose, og ein som kan erstatte ein ordinær dosett.

 

Kva er E-helse?

E-helse  er digitalisering av helse- og omsorgssektoren, for å betre pasientsikkerheit, kvalitet og effektivitet.

Tilgjengelege e-helse løysingar i Time

Digihelse - digital innbyggjardialog

Digihelse er ei nasjonal løysing for digital kommunikasjon mellom innbyggjarar og kommunehelsetenesta.

Med meldingar og kalendervisning på helsenorge.no kan innbyggjarane kommunisere med den kommunale helsetenesta. Meldingane kjem direkte inn i den elektroniske pasientjournalen (EPJ).

På helsenorge.no finst det allereie mange tenester (kjernejournal, byte fastlege og mykje meir). Digital kommunikasjon med helsevesenet skjer frå same stad, og innbyggjarane får ei samla oversikt over kontakten med helsevesenet.

For å kunne bruke løysinga må du logge på helsenorge.no og gi dei nødvendige samtykke. Du må ha ei aktiv teneste frå kommunen. Sjå rettleiing og meir informasjon om løysinga på helsenorge.no

Kjernejournal

Kjernejournal er ei digital løysing for deling av pasientane sine helseopplysningar på tvers av verksemder og nivå i helsevesenet.  I pasienten sin kjernejournal kan helsepersonell sjå dei same opplysningane uavhengig av om dei jobbar som fastlege, på sjukehus eller legevakt. Pasienten kan sjølv sjå sine opplysningar på helsenorge.no. Les meir om kjernejournal - Helsenorge.no

 

Digital heimeoppfølging (DHO)

Digital heimeoppfølging er ei helseteneste der innbyggjar med kroniske sjukdommar eller behov for jamleg oppfølging får helsehjelp og rettleiing via mobil eller nettbrett i staden for fysiske møter. Dialog og deling av data mellom innbyggjar og tenesta, skjer digitalt.

Dette inneber at du som innbyggjar sjølv kan registrere ulike målingar, få påminningar om gjeremål, sende meldingar på ein sikker og trygg måte og ha felles møter med dei som følgjer deg opp via videosamtale med meir.

Digital heimeoppfølging krev at du har tilgang til nettbrett eller ein mobiltelefon der du kan laste ned ein app.

Gjennom oppfølging frå kommunen kan du få auka innsikt og meir kunnskap om di eiga helse. Du vil kunne oppleve auka tryggleik, auka meistring og sjølvstende. Samt sikker kommunikasjon med tenesta. Digital heimeoppfølging kan vere aktuelt i både korte eller lengre periodar.

Det er slett ikkje alle dette passar for, men det gir oss eit handlingsrom der ein kan velje denne løysinga dersom det passar for den det gjeld. Moglegheitane er mange.

Her kan du lese meir om løysninga Digital heimeoppfølging (DHO)

 

E-læringskurs for innbyggjar og pårørande

Meistringseininga tilbyr kurs for innbyggjarar i Time kommune som ønskjer å jobbe med endring i livet sitt. Det er fysisk oppmøte ein gong i veka i fire veker. Kursa er delt inn i stressmeistringskurs og assistert sjølvhjelp. 

Meistringseiniga i Time kommune tilbyr kurs som dekker ulike tema for å hjelpe innbyggjarar med å meistre utfordringar i livet sitt. Her er nokre av temaene som blir dekka i kursa.

  1.  Stressmeistring. Lær teknikkar for å handtera stress og redusere stressnivået i kvardagen.
  2.  Assistert sjølvhjelp. Få verktøy og støtte til å jobbe med personlege utfordringar og mål. 

 

Påmelding og meir informasjon om E-læringskurs finn du her 

Korleis kan eg søkje og kven tar eg kontakt med?

Det er Teneste- og samordningskontoret i kommunen som behandlar søknader og tildeler tenesta

Søknadsskjema Digital heimeoppfølging 

Sist endra 05.05.2025 09.13