Kortidsopphald er eit målretta og tidsavgrensa opphald i sjukeheim. Målet med opphaldet kan vera å kartlegga helsetilstand, hjelpebehov og opptrening slik at ein kan få att funksjon og koma att til eigen heim. Tilbodet kan vera rullerande der personen vekselsvis bur heime og på sjukeheimen.

Det er eigenbetaling for korttidsopphald.

Målet med rehabiliteringsopphald er å kartlegga helsetilstand, hjelpebehov og rehabilitering slik at ein kan koma att til eigen heim. Avdelinga har styrka bemanning på fysioterapi, ergoterapi og legeteneste

Tilbodet følgjer eigenbetaling for korttidsopphald

Eit langtidssopphald er tilbod om permanent opphald for personar med behov for pleie og omsorg heile døgnet

Lindrande senger er eit tilbod til alvorleg sjuke personar med uhelbredeleg sjukdom og kort forventa levetid.

Formålet er å gje lindrande behandling, pleie og omsorg ved livets siste fase til innbyggarar med komplisert kronisk lidelse eller anna alvorleg sjukdom.

Tilbodet følgjer eigenbetaling for korttidsopphald

Departementet avgjer kva det kostar for eit korttidsopphald. Frå 01.01.2026 kostar det 205 kr pr. døgn. Dersom opphaldet varer lenger enn 60 dagar skal betalinga vera lik som for langtidsopphald.

Om du vil finna ut meir om betaling for sjukeheimsplass kan du lesa Forskrift om eigenandel for helse og omsorgstenesta

Avlasting i sjukeheim er ei teneste for innbyggjarar som har omsorgstrengjande familiemedlemmar. Tenesta skal gje familien høve til regelmessig fritid og ferie.

Sivdamheimen har plassar for avlastingsopphald og rullerande opphald (det vil seia at pasienten vekselvis bur heime og på sjukeheim).

Avlasting i sjukeheim er gratis.

Du kan søke tenester på søknadsskjema. Søknadsskjema finn du her på nettsida.

Har du spørsmål kan du kontakte Teneste- og samordningskontoret på telefon 476 08 160

Bryneheimen gir heildøgns pleie og omsorg til personar som har varig fysisk- og/eller psykisk funksjonssvikt og der hjelpetiltak i heimen ikkje lenger er nok. Sjukeheimen har 61 rom, fire av desse er dobbeltrom (ektepar-rom). Det er 18 rom som er tilrettelagt for personar med demenssjukdom.

Det er fokus på aktivitetar og moglegheit for å koma ut i frisk luft.

Adresse: Hognestadveien 41, 4340 Bryne

Sivdamheimen har 24 tidsavgrensa heildøgns korttids-/rehabiliteringsplassar, to av plassene er for  personar med behov for lindrande behandling. I tillegg er det 22 plassar for personar med demensdiagnose.

Adresse: Røyrvika 2, 4344 Bryne

Kontakt informasjon, Bryneheimen 1 etg.

Kontakt informasjon, Bryneheimen 2 etg.

Kontakt informasjon Sivdamheimen 1 etg.

Kontakt informasjon Korttid- og rehabiliteringsavdelinga