Vaksinane kjem tidsnok til influensasesongen

Vaksinane er i år dessverre forseinka frå leverandørane til FHI, og kjem til Time i veke 46. Dette er likevel tidsnok til å vaksinera seg før influensasesongen startar.

Barn i vaksenvaksinasjonsprogrammet

Barn med visse kroniske sjukdommar bør ta influensavaksine og i enkelte tilfelle koronavaksine. Desse barna får tilbod i vaksenvaksinasjonsprogrammet på same måte som vaksne.

Kva vaksinar bør du ta?

Folkehelseinstituttet gjer grundige vurderingar av kven som har nytte av vaksinar. Dei anbefaler grupper med forhøgd risiko for alvorleg sjukdom å vaksinera seg.

Målgruppene for dei ulike vaksinane finn du her:

Vaksiner i voksenvaksinasjonsprogrammet - FHI

Dersom du ikkje tilhøyrer målgruppene, vil du ikkje ha nytte av vaksinane.

Kor kan du vaksinera deg?

Time kommune har avtale med fastlegane om å tilby vaksinane i vaksenvaksinasjonsprogrammet til listeinnbyggarane sine. Dei tilbyr òg pneumokokkvaksine utanom vaksinasjonsprogrammet så lenge det er til mågruppene. Dei tilbyr ikkje vaksine utanom målgruppene.

• Bryne legesenter, tlf. 51 77 66 00 - trykk her for timebestilling på nett
• Sandtangen legesenter, tlf. 51 77 66 66 - trykk her for timebestilling på nett
• Kvernaland legesenter, tlf. 51 22 83 80 - trykk her for timebestilling på nett

Kor mykje kostar det?

• Influensavaksine: 308 kr
• Koronavaksine: 110 kr (85 kr dersom du tek fleire vaksinar i vaksenvaksinasjonsprogrammet)
• Pneumokokkvaksine: 110 kr (85 kr dersom du tek fleire vaksinar i vaksenvaksinasjonsprogrammet)
• Pneumokokkvaksine til risikogrupper utanom vaksenvaksinasjonsprogrammet: Eigen pris