Hovudopptak

• Det er eitt årleg hovudopptak for barnehagane i Time kommune. Søknadsfristen for dette er 1. mars
• De kan søka om plass heile året, men for å få plass frå 15. august må de søka innan fristen for hovudopptaket og oppfylla lovkrava som gjev rett til plass

• Barn som vert eitt år i september, oktober og november må ha oppstart innan utgangen av den månaden dei fyller eitt år og for barn fødde i desember må oppstart vera seinast 15.desember

• Svar på om de får barnehageplass i hovudopptaket vert sendt ut elektronisk i slutten av mars
• Alle som har søkt og som ikkje får plass vil automatisk stå på venteliste
• Etter hovudopptaket er det supplerande opptak heilt fram til neste hovudopptak. Barnehagane vil ta inn barn frå ventelista så fort det vert ledige plassar

Rett til barnehageplass i Time kommune:

• de må søka innan 1. mars 
• barnet må bu i Time kommune ved oppstart i barnehagen
• barnet må fylla eitt år seinast innan utgangen av desember det året dei søker om plass