Kommunane Finnøy, Hjelmeland, Kvitsøy, Rennesøy, Strand og Time har gjennom IVAR-samarbeidet tidlegare vedtatt lokal og felles forskrift om vann- og avløpsgebyr. Forskrifta blei vedtatt av Time kommunestyre 8. november 2016 med ikrafttreding 1. januar 2017. Denne forskrifta er framleis gjeldande for Time kommune, men ho er ikkje oppdatert tilstrekkeleg etter dagens regelverk og lokale krav.  

Føremålet med ny forskrift er å gi oppdaterte og tilstrekkeleg klare føresegner om utrekning og innbetaling av gebyra abonnentane skal betala for vass- og avløpstenestene kommunen leverer. Dette for å sikra at kommunen effektivt og føreseieleg får dekka sine kostnader på vass- og avløpssektoren, samtidig som forskrifta sikrer likebehandling av abonnentane.  

Fullstendig omtale av forskrifta, samt saksframstilling med vedlegg, finn de ved å følgja lenka merka «Saksdokument». For å gi uttale ved hjelp av sikker digital innsending via Time kommunes nettside, trykk på lenka merka "Gi uttale". 

Saksdokument 

Gi uttale 

Uttale til forskrifta kan sendast via brev til Time kommune, postboks 38, 4349 Bryne, eller via e-post til post@time.kommune.no. Frist for å senda inn merknad til forskrifta er 2. november 2026.