Tenesteområdet Samfunn omfattar mellom anna plan og forvaltning, kommunalteknikk, eigedom og kultur. Det spelar ei sentral rolle i utviklinga av kommunen som samfunnsaktør og tenesteytar. 

– Reid Ivar er ein tydeleg og samlande leiar med solid erfaring frå lokal, regional og nasjonal forvaltning. Med hans strategiske forståing og sterke engasjement er eg trygg på at han vil vidareutvikla tenesteområdet Samfunn til det beste for både innbyggarar og organisasjonen. Eg ser fram til vidare samarbeid med han i leiargruppa mi, seier kommunedirektør Trygve Apeland. 

Reid Ivar Bjorland Dahl har bakgrunn frå fleire roller i kommunen og kjenner organisasjonen godt. Han har òg brei politisk erfaring, mellom anna som statssekretær i Barne- og familiedepartementet og som medlem av fylkesutvalet i Rogaland fylkeskommune. 

– Eg set stor pris på tilliten og ser fram til å vidareutvikla tenesteområdet Samfunn saman med dyktige medarbeidarar. Me skal jobba for gode og framtidsretta løysingar for innbyggarane i Time, seier Dahl.

Han tiltrer stillinga umiddelbart.