I utgangspunktet må du ikkje ha skjenkebevilling dersom du skal ha eit privat arrangement for eit lukka selskap. Lukka selskap betyr at det før skjenkinga tek til, er danna ein slutta krets av bestemte personar som er samla for eit bestemt formål i eit bestemt lokale.

Også ved lukka selskap det nokre gonger krav til bevilling. Då kan du søke om ambulerande bevilling. Det er alltid krav til løyve dersom det skal takast betaling for alkoholen som vert servert. Det same gjeld dersom ein har leigd eit lokale og utleigar har ansvar for meir enn sjølve utleiga, som servering av mat eller utvask etterpå.

Også i lokale der det vanlegvis vert drive serveringsverksemd må ein ha skjenkebevilling, bortsett fra viss eigar, leigetakar eller tilsett nyttar lokale til eige bruk til lukka selskap.

Den som søkjer om ambulerande skjenkebevilling må ha fylt 20 år. Bevillingshavar er ansvarleg for at reglane i alkohollova og forskrift vert halde, ved at det ikkje skal skjenkast til personar som er for unge og/eller synlig rusa, i tillegg til å overhalde tillatte skjenketider.

Søkjar treng ikkje å ha bestått kunnskapsprøva i alkohollova.

Når treng du skjenkebevilling for ei bestemt anledning?

Dersom du skal servera alkohol på ei tilstelning som er open for publikum, for eksempel ein festival eller en dansetilstelning, må du ha skjenkeløyve for ei bestemt anledning.

Som ei bestemt anledning forstår me mellom anna festivalar som er meint for store delar av innbyggarane i Time kommune og andre kommunar. Vidare vil markeringar av jubileum kunne gi rett til skjenkebevilling som «ei bestemt anledning» . Også nasjonale og internasjonale meisterskap eller andre større arrangement, t.d. større konsertar med kjende nasjonale eller internasjonale artistar, blir rekna som «ei bestemt anledning». Frivillege lag og organisasjonar kan få skjenkebevilling til lokale arrangement. I tilfelle som ikkje er nemnd her avgjer kommunen kva som er «ei bestemt anledning».

Kven kan få skjenkebevilling for eit bestemt anledning?

I forbindelse med festivalar er det berre  skjenkestader som allerede har alminnelig bevilling som kan få bevillig for ei bestemt anledning, f. eks. til å utvida skjenketida eller til å skjenka på eit anna område enn i skjenkelokalet. For andre arrangement er det ikkje krav om at søkjar har alminneleg bevilling. 

Det må vera ein ansvarlig styrar for bevillinga. Ansvarleg styrar må vera fylt 20 år. Ved små arrangement kan kommunen bestemma at det er nok med opplysningar om ein kontaktperson. Ved større arrangementer skal skjenkestyrar ha godkjent kunnskapsprova i alkohollova.

Bevillingsgebyret for bevilling til skjenking ved ei enkel anledning og ambulerande bevilling vert sett i samsvar med reglane i alkoholforskrifta § 6-2. 

Per 01.01.2024 er gebyra følgande:

• Ambulerande bevilling (slutta selskap) kr. 440,-. 
• Gebyr for ei enkel anledning (opne arrangement) kr. 6100,-
  Gebyret er likevel sett lågare for følgande mindre arrangement:
  Kr 440 for arrangement med inntil 150 gjester
  Kr 1320 for arrangement med 150-500 gjester.
• Utviding av eksisterande skjenkeareal eller utviding av skjenketid for ei enkel anledning: kr. 440,-