Klubblokalet ligg i Kvernaland samfunnshus og er godt utstyrt med biljardbord, bordtennisbord, airhockey, PC-ar, Playstation, Xbox, kort- og brettspel. Her finn du også kiosk, minikino med lerrett der du kan sjå film eller spela på storskjerm, og diskotek med mykje lyd og tøff belysning. 

Fritidsklubben disponerer også eit bandrom som er utstyrt med gitar, bass, slagverk, synth og mikrofonar.

Klubben er open for to målgrupper, juniorar (5. - 7. klasse) og seniorar (8. klasse opp til 18 år).

Planeten fritidsklubb er ein rusfri møteplass.

Følg Planeten fritidsklubb på Facebook for å sjå kva som skjer på klubben framover eller sjekk heimesida til Planeten fritidsklubb for meir informasjon.