Du sendar inn søknadsskjema til kommunen via kommunen si nettside. 

Søknader blir fortløpande behandla. Kommunen skal behandla saka så snart som mogleg. Viss ho ikkje kan avgjerast innan éin månad, skal du ha skriftleg beskjed om grunnen og samtidig få vita når du kan venta svar.

For å forsikra oss om at du får det tilbodet som passar best for deg, kjem me vanlegvis på heimebesøk eller har ein samtale på kontoret. Avtale om heimebesøk/samtale gjer me med deg eller den du har gitt fullmakt til.

Du kan få innvilga ein eller fleire helse- og omsorgstenester. Når du søkjer helse- og omsorgstenester er det Tenste- og samordningskontoret som behandlar søknaden.

Tenestene vert tildelt på lågast mogleg nivå slik tenestetrappa (PDF, 72 kB) viser.

Kommunalt pasient- og brukarregister (KPR) er eit nasjonalt register som inneheld opplysningar om personar som har søkt, får eller har fått helse- og omsorgstenester frå kommunen. Føremålet er å gi grunnlag for forsking, kvalitetssikring, planlegging og styring av helse- og omsorgstenesta.

For meir informasjon om KPR på FHI si nettside:

• Informasjon plakat KPR
• Folkehelseinstituttet (FHI)

• Samhandling skal sikra gode og likeverdige helsetenester til alle som treng det. For meir informasjon på nettsida til Helse Stavanger (Stavanger Universitetssjukehus)
• På nettsida hva.kanhjelpe.no kan du finne råd, tips og erfaringar for å hjelpe deg med å finne løysningar som passar for deg

Teneste- og samordningskontor har ein vakttelefon som er bemanna måndag til fredag mellom 12.00 - 14.00. Tlf: 47 60 81 60