Kreft- og palliasjonsteamet er eit lågterskeltilbod for deg som har kreft eller andre livstruande sjukdomar, og for dine pårørande gjennom heile sjukdomsforløpet. Vi tilbyr òg oppfølging gjennom Pakkeforløp heim for pasientar med kreft:
Pakkeforløp hjem for pasienter med kreft - Helsedirektoratet.
Teamet består av tre sjukepleiarar med vidareutdanning innan kreftsjukepleie og/eller palliativ sjukepleie.
Kva kan vi hjelpe deg og dine pårørande med?
- Kartleggje dine/deira ønskje og behov.
- Støttesamtalar, råd og rettleiing i samband med sjukdom, behandling, rehabilitering og lindrande behandling.
- Gje råd om ernæring og kosthald, i samråd med klinisk ernæringsfysiolog ved behov.
- Informere om rettar og bistå med å knyte kontakt med rette instansar vidare i forløpet.
- Bidra til ivaretaking av barn og unge som pårørande.
- Bistå i kontakten med fastlege, sjukehus og eventuelt andre samarbeidspartnarar.
- Utarbeide og følgje opp plan for lindring og best mogleg livskvalitet dersom du ønskjer det.
- Leggje til rette for heimedød dersom det er ønskjeleg.
Vi tilbyr oppfølging via telefon, ved heimebesøk, på kontoret til kreft- og palliasjonsteamet eller som digital heimeoppfølging.
Kreft- og palliasjonsteamet har teieplikt, og tilbodet er gratis.
Kontaktinformasjon:
Du kan nå oss på telefonnummer 48 20 21 07.
Telefonen er bemanna måndag-fredag frå kl. 08:00-14:00.
Eksterne lenker
Kreftforeningen
Pasientforløp i palliasjon
"Døden - en del av livet"
Sist endra 20.08.2026 14.27