Demenskoordinator
Demenskoordinator skal fungera som bindeledd mellom personar med demens, deira pårørande og dei ulike delane av tenestene. Demenskoordinator er leiar for hukommelsesteamet og oppfølging etter demensdiagnose.
Demenskoordinator er også ansvarlig for:
- Brukar og pårørandeskule
- Samtalegrupper
- Aktivitetsvenn
- Demensvennleg samfunn
Hjelp til utgreiing av kognitiv svikt/demens kan gjerast ved å kontakte demenskoordinator
Regelmessig oppfølging og rettleiing vedrørande det å leva med demenssjukom. Oppfølginga vert gjennomført ved planlagte samtaler med brukar og pårørande for å avklare situasjonen og avdekke eventuelle hjelpebehov
Hukommelsesteam
Hukommelsesteamet i Time kommune består av demenskoordinator, ergoterapeut og hjelpepleiar. Lege er også tilknytt teamet.
I Time kommune er det fastlegen som viser deg til hukommelsesteamet dersom det er behov for kartlegging og utgreiing.
Kva kan hukommelsesteamet gjera?
- Fast kontaktperson frå hukommelsesteamet
- Kan lytta til deg og din familie
- I samarbeid med fastlegen bidra til at flest mogleg får stilt riktig diagnose, og dermed sikra rett behandling.
- Kan gje råd og rettleiing
- Væra med å finna eit best mogleg tilrettelagt tilbod ut frå personen (eventuelt pårørande) sitt behov
- Væra eit bindeledd mellom pasient, pårørande og hjelpeapparatet
Fysio-/ergoterapitenesta kan hjelpe til med tilretteleging av hjelpemidlar som kan lette dagleglivets gjeremål
Korleis foregår ei utgreiing av demens?
Hukommelsesteamet kjem på heimbesøk etter avtale med deg og pårørande. Heimebesøket tek ca. 2 timar med samtale og kartlegging av følgande:
- aktivitetar i dagleglivet
- tryggleik i bustaden
- ulike testar (MMS, klokketest mm.)
- pårørande sin situasjon
- nettverk
- hjelpebehov
Etter heimebesøket ferdigstilles innsamla data og utgreiingspapira vert sendt til fastlegen for vidare behandling.
I etterkant av utgreiinga vil det i dei fleste tilfella vera behov for eit oppsummeringsmøte med alle involverte partar. Hukommelsesteamet bestillar tid for møte hos den aktuelle fastlegen.
Det er fastlegen som informerar pasient og pårørande om resultatet.