• Norske statsborgarar som har fylt 18 år innan utgangen av 2025, som er eller har vore registrert i folkeregisteret som busett i Norge.
• Tilsette i diplomatiet eller konsulatvesenet og husstanden deira har stemmerett sjølv om dei ikkje oppfyller busetjingskriteriet.

For å kunne stemma ved valet, må du stå innført i manntalet.
Veljarar som er busette i Norge vert automatisk ført inn i manntalet i den kommunen der dei er registrert i folkeregisteret som busett pr. 30. juni i valåret.

Flyttar du til ein annan kommune etter 30. juni, er du fortsatt registrert i manntalet og har stemmerett i den kommunen du flytta frå sjølv om du melder flytting.

Personar med stemmerett som har budd i utlandet i over 10 år, vert innført i manntalet når dei stemmer. Dei vert då manntalsførte i den kommunen der dei sist var folkeregistrerte som busette.

På valdagen må du stemma i den kommunen du flytta frå, eller så kan du førehandsstemma. Det er valfritt kva kommune ein vil førehandsstemma i.

Manntalet blir lagt ut til offentleg ettersyn på Innbyggarservice i Time rådhus og Time bibliotek i veke 28 til og med valdagen.

Klage på feil i manntalet sender du til: Valstyret i Time, Postboks 38, 4349 Bryne.

Spørsmål om manntalet: tlf 51 77 60 00 / 99106691

Les meir om manntal på valg.no

Frå og med Stortingsvalet 2025 vert valkortet erstatta av informasjon til veljaren om kva for kommune dei kan stemma i på valdagen, og at dei må visa legitimasjon.

Hugs å ta med legitimasjon når du skal stemma. 

Eksempel på godkjend legitimasjon er pass, førarkort (digitalt førarkort vert og godtatt) og bankkort med bilde. 

Du finn meir informasjon om val på valg.no