Tenesteområdet har som oppgåve å driva og utvikla allmenne tiltak og tenester for innbyggarane. Innbyggarane skal vera sikra førebyggande helsearbeid, bibliotek-, kultur- og fritidstilbod, kommunaltekniske tenester, planlegging, utbygging, drift og vedlikehald av kommunale bygg, anlegg og uteområde og dessutan nødvendig oppfølging av landbruks-, miljø- og kulturverninteresser. 

Kva tilbyr me

• Fagleg sterke avdelingar med engasjement  
• Moglegheit for fleksibel arbeidstid 
• Tilrettelegging for videreutdanning 

 Sentrale satsingsområde

• Bidra til å etablera kompetansearbeidsplassar i Time kommune 
• Utvikla Bryne sentrum som regionsenter 
• Jobba for god folkehelse gjennom styrkande tiltak 
• Redusera klimagassutslepp med 55% 
• Sikra ei effektiv, sikker og miljøvennleg renovasjons-, vatn- og avløpsteneste 
• Nytta ny teknologi til å betra og forenkla arbeid og tenester 
• Ta vare på kulturminne, kulturmiljø og kulturlandskap 
   

Morten Bjorland, teknikar, kommunalteknikk

Eg likar arbeidsoppgåvene mine veldig godt. Dei er veldig varierte, og eg får vera både inne på kontor og ute i felten. Eg får reisa rundt i heile kommunen og sjå heile landskapet, med stor geografisk variasjon frå flataste Jæren til heiene inst mot høg-Jæren. Eg kunne sikkert hatt ein liknande jobb i privat sektor, men då ville eg kanskje hatt 1-2 forskjellige kundar som eg jobba for. I kommunen har eg 20 000 kundar med enormt mange forskjellige behov, og det er ein stor motivasjon i seg sjølv. 

 

Kommunalteknikk

• Kommunalteknikk har ansvar for kommunen sine kommunaltekniske anlegg. Det vil seia bygging, drift og forvalting av alle vegar, grøntområde, leikeplassar, idrettsanlegg, kyrkjegardar, vassforsyning, avløpsanlegg og renovasjonsløysingar.  

Plan og forvaltning

• Plan og forvaltning har ansvaret for alt forvaltningsarbeid innan arealplan, landbruk, byggesak, geodata, klima/miljø og naturforvaltning.  
  
   

Torhild Wigestrand, byggesaksbehandlar, Plan og forvaltning

Eg har jobba i kommunen i fem år nå, med ein bakgrunn frå privat næring, og måtte «gå meg litt til» fyrst. Men eg set veldig pris på at me i kommunen vår har både by og land. Når eg er ute på tilsyn kan det like gjerne vera ein bygård som eit landbruksområde. Og så er kommunen passeleg stor, me har kort avstand internt og enkelt å kommunisera. 

Me har godt arbeidsmiljø, og det er fordi me har investert i det. Det kan vera mykje eksternt press i denne jobben, men me merker at me toler meir fordi me kjenner kverandre godt.

Kultur

• Kultur har ansvar for bibliotek, kulturhus og kino, fritidsaktivitetar inkludert idrett, kulturvern og museumsdrift og utsmykking av kommunale bygg og utandørs anlegg/parkar, i tillegg til dei årlege festivalane Garborgdagar og Livsgledefestivalen. 

Eigedom

• Alt reinhaldsarbeid og vedlikehaldsarbeid for kommunale bygningar og bygging/rehabilitering av bygg er samla i tenesteeininga Eigedom.  

Folkehelse

• Samfunn har det overordna ansvaret for folkehelsearbeidet. Det betyr mellom anna ansvar for å utarbeida ein fireårig folkehelseprofil for kommunen og følga opp Partnerskap for folkehelse saman med fylkeskommunen. 
   
• Føremålet med partnarskapet er å samordna folkehelsearbeidet i Rogaland og arbeida med felles målsetting om å fremma god helse og utjamna sosiale helseforskjellar. Som ein del av avtalen vert det årleg utarbeida ein handlingsplan for bruk av partnarskapsmidla.