Time kommunestyre har i møte den 17.09.2025, KS-065/25, vedteke følgjande reguleringsplan: Plan 0552.00 - Detaljregulering for kjøpesenteret M 44, Bryne sentrum.
Det vart gjort følgjande vedtak:
Time kommunestyre godkjenner forslag til detaljreguleringsplan 0552, for kjøpesenteret M44, Bryne sentrum, datert 09.09.2025, med tilhøyrande føresegner, datert 09.09.2025.
Vedtaket er gjort i samsvar med plan- og bygningsloven (pbl.) § 12-12. Det er avtale i oppstartsmøte og i planvarsling at det skal inngåast utbyggingsavtale mellom utbygger og Time kommune når kommunestyret har godkjent reguleringsplanen. Utbyggingsavtalen skal regulere opparbeiding og finansiering av offentlege og private kommunaltekniske anlegg innafor og i tilknyting til området
Føremålet med planen
Planen dekkjer eit areal på ca. 70 daa, og området er i hovudsak vist som sentrumsformål i sentrumsplan for Bryne.
Føremålet med planen er å leggje til rette for utviding av kjøpesenteret ut mot Fv. 44. og for bustader over nytt kjøpesenterareal. Det vert eit nytt fleirfunksjonsbygg med parkering i de to nedre etasjane på Felleskjøptomta og næring i 3 etasjar over parkeringa. Det vert regulert eit samanhengande parkeringsvolum mellom fleirfunksjonsbygget og kjøpesenterbygget. Det gjer at passasjen mellom Kaizersplassen og Fv. 44 vert bygd igjen. Planen legg elles opp til bevaring av Bryne mølle, sekkelageret, kornmottaket og silobygget. Det vert opna for mindre tiltak som legg til rette for ny bruk av desse bygga. Planen vil gi auka trafikk, og det er krav om ny rundkøyring frå Arne Garborgs veg med arm inn i parkeringsanlegget i fleirbruksbygget. Planen sikrar elles auka areal for leik, og forbedra løysingar for sykkel og gonge.
Plandokument
Plankart, føresegner og andre plandokument er tilgjengeleg via denne lenka Du kan og få vedtekne plandokument ved å henvenda deg til innbyggjarservice i Time rådhus
Klagerett
Vedtaket kan påklagast til Statsforvaltaren i Rogaland, jamfør §§ 1-9 og 12-12 i plan- og bygningslova.
Eventuell klage skal oversendast Statsforvaltaren i Rogaland via Time kommune, postboks 38, 4349 Bryne. Det er også mogeleg å senda eventuell klage via kommunens nettside. Gå til menyvalg Skjema og Klage på vedtak – skjema.
Klage må være sendt innen 13.10.2025.
Krav om innløysing eller erstatning i medhald av planen, må være lagt fram seinast 3 år frå i dag, jf. §§ 15-2 og 15-3 i plan- og bygningslova.t