Time kommunestyre har i møte den 18.03.2026, KS-016/26 vedteke følgjande reguleringsplan: Plan 0560 Bustader på Ree
Det vart gjort følgjande vedtak:
Kommunestyret godkjenner forslag til Detaljregulering for bustader på Ree, plan 0560, med plankart datert 22.01.2026, føresegn datert 09.02.26 og planomtale datert 26.01.2025.
Vedtaket er gjort i medhald av pbl. § 12‑12.
Det skal inngåast utbyggingsavtale mellom Time kommune og utbyggjar etter at reguleringsplanen er vedteken. Avtalen skal regulere opparbeiding og finansiering av offentlege og private kommunaltekniske anlegg innafor og i tilknyting til planområdet.
Føremålet med planen
Føremålet med planen er å leggja til rette for ei bustadutbygging med hovudvekt på rekkehus. Det blir totalt 92-98 bueiningar med ei utnytting/tettleik på 83-97% BRA fordelt på eit om lag 18 dekar stort planområdet. Dette er fordelt på til saman 62 rekkehus, tre mindre leilighetsfelt med til saman 18 leilegheiter ( 6 i kvart felt), og ei blokk med 12-18 leilegheiter og parkering i 1 etasje. For rekkehusa vil minst 28 av 62 bueiningar varta tilgjengelege, i tillegg til alle leilegheitene.
Plandokument
Plankart, føresegner og andre plandokument er tilgjengeleg via denne lenka. Du kan og få vedtekne plandokument ved å henvenda deg til innbyggjarservice i Time rådhus
Klagerett
Vedtaket kan klagast på til Statsforvaltaren i Rogaland, jamfør §§ 1-9 og 12-12 i plan- og bygningslova.
Eventuell klage skal sendast til Statsforvaltaren i Rogaland via Time kommune, postboks 38, 4349 Bryne. Det er også mogeleg å senda eventuell klage via kommunens nettside. Gå til menyvalg Skjema og Klage på vedtak – skjema.
Klage må være sendt seinast tre veker etter kunngjering av vedtaket, noko som gjer ei klagefrist innan 17.04.2026.
Krav om innløysing eller erstatning i medhald av planen, må være lagt fram seinast 3 år frå i dag, jf. §§ 15-2 og 15-3 i plan- og bygningslova.