Toalettet skal stå ved markeringane på bakken framst i biletet, til venstre for gangstien langs Frøylandsvatnet.

Toalettet skal etter kvart setjast opp skrått overfor den store grasplenen i Sandtangen, på andre sida av naturstien som går langs Frøylandsvatnet - til venstre i biletet over.

Arbeidet startar i slutten av denne veka på sørsida av brua ved rådhuset. Deretter vil det sakte, men sikkert forflytta seg nordover inn i Sandtangen, til det når det store opne friområdet. Arbeidsområdet vil vera avstengd medan entreprenøren jobbar på dagtid, men opnast opp for passasje på ettermiddag/kveld. Det vert skilta “omgåing” via Vardheivegen.

Her startar gravinga denne veka.

Ifølge framdriftsplanen vil arbeidet krysse brua i løpet av veke 20 og 21, og grøftegravinga mellom brua og toalett-"tomta" vil finne stad i veke 22 til 24/25. Oppstart av grunnarbeidet på sjølve toalettbygget skjer i veke 25, og toalettet vil etter planen stå ferdig i veke 27, forhåpentleg til stor glede (og lette!) for turgåarar og brukarar av Sandtangen.

Arbeidet startar nede til venstre i veke 18, og avsluttast etter planen oppe til høgre i veke 27.