Are M. Heiseldal

Klokka 13.00 skal eitt minutts stille markerast over heile landet. Alle kyrkjene i landet vil slå tre slag når minuttet startar, og tre nye slag når markeringa er over klokka 13.01. Ver gjerne med på markeringa der du er.

Kyrkjeklokkene vil òg ringa i ein time etter at Forsvaret har skote dobbel kongesalutt på Akershus festning klokka 15.50. Dette markerer avslutninga på den nasjonale sørgeperioden.

TV-sendinga frå gravferda visast i storsalen på Time bibliotek. Bryne kyrkje og Undheimkyrkja vil òg vera opne frå klokka 11.30 og visa gravferda på storskjerm.

Me oppfordrar innbyggarane i Time kommune til å unngå støyande arbeid mellom klokka 12 og 15 i dag, av respekt for gravferda.

Kondolanseprotokollen på rådhuset vert liggande ut dagen, og blomane ved flaggstonga vert tekne inn når rådhuset stenger. Protokollane og helsingar som var lagde ved blomane vert sende inn til Slottet.