Har du blinkskot av dyr eller plantar i Time?

Time kommune har laga ein plan for omsyn til naturmangfaldet i kommunen, som etter planen skal ut på høyring i starten av september (følg med på heimesida vår for oppdateringar). Me vil gjerne ha hjelp til å gjera planen litt mindre kommunegrå – og det er her du kjem inn! Send oss bilete av det du likar best i Time-naturen. Det spelar ingen rolle om motivet er ei lita bille eller vakkert jær-landskap.

Alle innsende bidrag er med i trekninga av fem gåvekort á 300 kr.

Send inn maks tre bilete til vegard.thorset.vage@time.kommune.no innan 31. august. Du må skriva namnet ditt i eposten, sånn at me kan kreditera deg viss eit bilete du har teke vert plukka ut til å brukast i planen.

Lukke til!