Buplikt
Buplikt betyr at nokon må bu på ein eigedom. Det kan vera buplikt på landbrukseigedommar, og på andre eigedommar.
Dersom du overtek ein landbrukseiendom frå nære slektningar, får du fem år med buplikt. Buplikt inneber at du må busetta deg på eigedommen innan eitt år frå overtakinga og at du må bu der i minst fem år.
Du må søka konsesjon viss du ikkje har tenkt å oppfylla buplikta.
Driveplikt
Dersom du eig ein eigedom med jordbruksareal, har du plikt til å sjå til at jorda vert driven i heile eigartida. Du kan oppfylla driveplikta ved å driva arealet sjølv eller leiga det bort som tilleggsjord til ein annan landbrukseigedom for minimum ti år om gongen. Er du ny eigar, må du innan eitt år ta stilling til om du ønsker å driva arealet sjølv eller leiga det bort. For å få fritak for driveplikta, må du senda søknad til kommunen. Kommunen kan gje varig fritak eller fritak for ei viss tid. Kommunen kan også stilla vilkår for fritaket.
Du finn meir informasjon om buplikt og driveplikt på Landbruksdirektoratet sine nettsider. Her finn du også lenker til ulike søknadsskjema.
I «Gårdskart på nett» kan du søka opp ein landbrukseigedom med gards- og bruksnummer, og få kart som viser oversikt over arealressursar på eigedommen.
Oppfylling av driveplikt ved bortleige av jordbruksareal
Når du eig landbrukseigedom, har du etter jordlova driveplikt for jordbruksarealet på eigedomen i heile di eigartid. Du kan oppfylle driveplikta også ved å leige ut alt jordbruksareal du ikkje måtte drive sjølv.
Etter jordlova §8 må du då inngå ein leigekontrakt som oppfyller fylgjande vilkår:
- det må inngåast skriftleg leigekontrakt
- leigetida kan ikkje vera kortare enn 10 år
- leigekontrakten kan ikkje seiast opp av eigaren i leigetida
- leigeavtalen skal føre til ei driftsmessig god løysing. Dette er i hovudsak at det skal vera kortast mogleg avstand til bruket til den som leiger jorda
- kopi av avtalen må sendast til kommunen
Kommunen vil godkjenne avtalen dersom den oppfyller desse vilkåra. Du kan gjerne nytte denne leigekontrakten (DOCX, 26 kB), som oppfyller vilkåra og har god beskriving av avtalepunkta.