Ti turar i Time 2026: Tur 6, Sælandsskogen - Blåfjellet - Håfjell - Sælandsskogen
Jan Oskar Haugen
Sælandsskogen – Blåfjellet – Håfjell – Sælandsskogen
Fottur, 3,87 km, rundløype, krevjande
Total stigning 221 m
Tilkomst
Ti turar i Time 2026: Tur 6, Sælandsskogen - Blåfjellet - Håfjell - Sælandsskogen, startskilt
Jan Oskar Haugen
Parkering og turstart frå parkeringsplassen i Sælandsskogen.
Skiltet med QR-koden for nedlasting av løypa er plassert på skiltstolpen i ytterkanten av parkeringsplassen.
Turinformasjon
Turen startar frå parkeringsplassen og følger den vanlege vegen gjennom aluminiumsporten ved steingarden. Deretter kryssar du rett over turvegen og går videre oppover på idyllisk, men ikkje merka sti.
Stien fører deg gjennom til dels bratte partiar opp mot toppen av Håfjell, 272 meter over havet. På vegen går du gjennom området som heiter Blåfjellet, som er ein av stadane det er spesielt flott utsikt som du absolutt bør få med deg.
Namnet på dette fjellet har vore gjenstand for ein god del diskusjon og forvirring gjennom åra, og toppen har inntil heilt nyleg vore merka med Blåfjell. Det rette, som òg nå samsvarar med merkinga, er at Blåfjellet er området langs fjellsida på veg opp, mens sjølve toppen heiter Håfjell (eit namn han elles delar med svært mange høge toppar rundt om i landet).
Ti turar i Time 2026: Tur 6, Sælandsskogen - Blåfjellet - Håfjell - Sælandsskogen, målskilt
Jan Oskar Haugen
QR-koden for registrering turen er festa på skiltstolpen på det høgaste punktet på turen, altså Håfjell.
Nedturen går langs den meir etablerte og vanlege løypa som er delvis merka, til du kjem ned til den større turvegen og skiltet som peiker til Sælandsfjellet. Her kryssar du rett over vegen og følger det tilrettelagte partiet over myra og bekken mellom Sjelsetvatnet og Taksdalsvatnet. Deretter følger du traktorvegen vidare gjennom skogen slik løypa viser på kartet, og du kjem ut på den same turvegen du starta på. Herifrå går du tilbake til parkeringsplassen.
Me håper du får ein fin tur!
Stolpejakten
I år som i fjor har me innlemma det landsdekkande konseptet Stolpejakten i Ti turar i Time! Du kan lesa meir om det på denne sida her hos oss, eller på sidene til Stolpejakten, men kort fortalt er det eit lågterskel-tilbod for å få folk ut på tur. Last ned appen «Stolpejakten» til telefonen din, så kan du skanna QR-kodar på stolpane langs vegen og «samla» stolpar over heile landet.
På denne turen finn du til saman fire stolpar. Du finn dei lettast ved å søka opp kartet som heiter «Ti turar i Time» i Stolpejakt-appen, men dei står på følgande plassar: På skiltstolpen i ytterkanten av parkeringsplassen i Sælandsskogen (som QR-koden med turinfo òg er festa på), ved utsiktspunktet Blåfjellet, på toppen av Håfjell, og ved utsiktspunktet Øvre Stølen, etter at du har gått over grassletta på veg ned frå toppen av Håfjell.