Elevane i Timeskulen har ulik digital tilgang på iPaden alt etter kva trinn dei går på. 

1. og 2. trinn har ein whitelista iPad. Det vil seie at dei bare har tilgang til førehandsgodkjent innhald. Elevane sin iPad skal og bare brukast på skulen. Den blir difor ikkje sendt heim.

3. og 4. trinn har og ein whitelista iPad. Elevane skal i utgangspunktet oppbevara iPaden sin på skulen, men kan få den med heim dersom det er skulearbeid som skal gjerast heime.

5.- 10. trinn har open nettilgang på iPad, men med eit kraftig webfilter. Dette filteret gjeld uavhengig av kva nett iPaden er på. Elevane kan bruka iPad både heime og på skulen. iPaden har alderstilpassa appar tildelt frå kommunen.

Appar blir foreslått av lærarar og/eller fagpersonar. Foreslått app blir deretter undersøkt, risikovurdert og kontrollert mot behov for databehandlaravtale med leverandør. Dette blir utført av kommunen sine digitaliserings-rådgjeverar. Appar blir bare tildelt gjennom kommunen sine system, og elevane har tilgang til appane gjennom firmaportalen.

Nei, skulen betaler for kvart eksemplar av appane gjennom eit volumlisensieringsprogram, og det er sjølve iPaden som er registrert i systemet.

Elevane får ein eigen AppleID laga for utdanning («Administrert AppleID»). 

Elevane får ein såkalla «Administrert AppleID». Dette er individuelle brukar-IDar til denne tenesta, eigd og forvalta av Time kommune. Elevane får ikkje tilgang til AppStore, men får tildelt appar gjennom kommunen sin eigen appkatalog.

Ein reknar ikkje med at iPaden skal ladast om natta. Me reknar iPaden for fullada ved ca 80 % batterikapasitet. iPad tek ikkje skade av å «klattladast», og batteriet «trivs best» mellom 20 % og 80 %. Lading ut over 80 % tek dessutan utenleg mykje tid. Det er viktig at iPaden aldri går heilt tom for straum. Elles tilrår me at ladar og/eller iPad ikkje blir dekka til med tøy eller anna under lading.

Eleven får læringsbrettet til utlån. Ipadane er leasa for faste periodar, og eleven vil difor få ny iPad i løpet av grunnskulen. Når eleven er ferdig i Timeskulen, skal iPaden leverast tilbake.