Målgruppe

ATO-avdelinga er eit kommunalt opplæringstilbod for elevar på 1. - 10.trinn, med varige behov for individuell tilrettelegging, som treng;

· særskild pedagogisk/sosial/fysisk tilrettelegging gjennom skuledagen

· høg grad av vaksenstøtte

· spesialisert kompetanse og organisering

Grunnleggande prinsipp

· Nærskuleprinsippet

Alle elevar har rett til å høyre til ved sin nærskule.

Ein føresetnad for å få innvilga plass ved ATO-avdelinga er det er gjennomført vurdering av om eleven sine behov kan ivaretakast på nærskulen.

· Barnet sitt beste

Barnet sitt beste skal vera eit grunnleggande omsyn i alle vurderingar knytt til søknad og inntak.

· Individuell vurdering

Alle søknadar skal vurderast individuelt etter gitte kriterium og gjeldande rutinar.

Generelle krav for å søkja om elevplass

1. Eleven har bustadadresse i Time kommune

2. Eleven har vedtak om individuelt tilrettelagt opplæring (ITO) jmf § 11-6 i heile eller delar av opplæringstilbodet. Viss eleven ikkje har ITO i heile opplæringstilbodet, må eleven ha vedtak om personleg assistanse jmf § 11-4 i dei resterande timane/faga. Sakkunnig vurdering skal omtala begge rettane

Kriterium for prioritering av søknadar

Me tek inn elevar etter følgande kriterium og i denne prioriterte rekkefølga:

1. Elevar med størst behov for fysisk tilrettelegging, særskilt organisering, spesialkompetanse hos undervisningspersonale og/eller tilrettelegging for fagleg og sosial deltaking.
2. I søknadar som elles er tilnærma like, vil eldre søkjarar bli prioritert føre yngre søkjarar.

Søknadsprosess

Søknadsfrist for komande skuleår er 1. november.

Søknaden vert vurdert på grunnlag av:

· Søknad frå føresette

· Sakkunnig vurdering frå PPT

· Gjeldande enkeltvedtak om spesialpedagogisk hjelp/individuelt tilrettelagt opplæring

· Individuell opplæringsplan (IOP)

· Evaluering av IOP

· Barnet sine synspunkt når dette er mogleg

Inntaksteam

Inntaksteamet består av:

· Representant frå fagstab oppvekst

· PPT-leiar

· PPT-rådgjevar

· Annan fagperson ved behov

Inntaksteamet vurderer alle søknadar og gjer tilråding om inntak.

Vedtak

Vedtak om plass i ATO-avdelinga blir fatta av kommunen som enkeltvedtak etter forvaltningslova.

Formål med inntaket

Målet med inntaksordninga er å sikre:

· Likebehandling av søkjarar

· Open og føreseieleg saksbehandling

· At elevar med størst behov blir prioriterte

· At avgjerdene byggjer på barnet sitt beste og faglege vurderingar

Lenke til søknadsskjema