Feitt i avløp fører til driftsproblem og med tida tette røyr. Dette gjer at avløpstenesta vert dyrare for deg. Får du tette røyr på ditt private nett, kan du risikera at kloakken slår opp i kjellaren, og at du må betala heile utbetringa sjølv.

Feitt og matrestar i avløpet held i tillegg liv i rotter. Er det nok mat, treng dei ikkje å forlata kloakken, og då formeirar dei seg raskt. Det finst og døme på at dei har klatra opp gjennom vasslåsen i toalettet.