• Firmaattest for alle selskap som er involverte i drifta.
• Skatteattest for den som har det økonomiske ansvaret for verksemda (den som søkjar om bevilling).
• Vitnemål om bestått kunnskapsprøve etter alkohollova for styrar og vara.
• Dokumentasjon for styrar og vara jobber på skjenkestaden.
• Teikning av lokalet innandørs (og utandørs dersom aktuelt)
• Leige-, framleigeavtale eller skjøte.
• Opplysningar om bakanforliggande eigarforhold, for eksempel eigarar bak aksjeselskapet, der driftsselskapet er heilt eller delvis eigd av andre selskap
• Stadfesting på at grunneigar tillet uteservering dersom det vert søkt om utandørs servering
• Kjøpekontrakt eller annan dokumentasjon som viser at det har vore eigarskifte, dersom du søker om bevilling etter eigarskifte
• Stadfesting av at verksemda oppfyller krav til minstelønn til dei tilsette (PDF, 85 kB).  

Det kan ta opp til 10-12 veker å få søknad om skjenkebevilling behandla. I Time kommune er det formannskapet som gir sals-og skjenkebevilling og tidspunkt for vedtak er avhengig av når det er møte. Du bør senda søknaden til kommunen så tidleg som mogleg og ikkje seinare enn tre månader før planlagt oppstart av verksemda. Ta gjerne kontakt med kommunen på telefon 51776000 eller postmottak@time.kommune.no for å få avklart når du kan forventa å få søknaden behandla. 

Vi gjer merksam på at saksbehandlingstida vert rekna frå det tidspunkt når søknaden er levert inn med alle obligatoriske vedlegg.

Dei som søker om uteservering i Bryne sentrum er forplikta til å følgja Time kommune sine retningslinjer for uteservering. (PDF, 87 kB)

Klage

Hvis søknaden blir avslått kan du klaga til kommunen innan ein frist på tre veker frå du mottok avslaget. Klagen skal først behandlast av kommunen, og hvis kommunen opprettheld avslaget skal klagen sendast til Statsforvalteren i Rogaland, som avgjør om klagen skal tas til følge.

Endringar som skifte av skjenkestyrar eller vara, skifte av eigarar, endring av selskapsforhald eller driftskonsept krever at kommunen skal varslast om endringane.

• Skifte av styrar/vara: kommunen skal varslast umiddelbart. Ny styrar/vara skal godkjennast av kommunen. Søknadsskjema for skifte av styrar/vara
• Eigarskifte eller endringar i selskapsform mv: bevillinga fell bort ved overdraging av verksemd. Ny eigar kan driva i inntil tre månader på førre eigars skjenkebevilling dersom kommunen er varsla. Det skal søkast om ny skjenkebevilling snarast mogleg og seinast innan 30 dagar etter overdraginga. Kommunen kan innvilga 4 veker ekstra viss søknaden ikkje er behandla innan 3 månader etter overdraginga.
• Endring i driftskonsept skal varslast til kommunen i forkant. De må søka om ny skjenkebevilling.

For å få skjenkebevilling i Time kommune vert det stilt som vilkår at dagleg leiar for verksemda og dei tilsette som skjenkeralkohol må ha kurs i ansvarleg vertskap. Nye tilsette må ta kurset innan 6 mnd. frå dei vert tilsett. Kurset kan takast fysisk hos skjenkekontrollen eller digitalt i regi av KoRus: https://ansvarligvertskap.helsedirektoratet.no/client/default.aspx?CAID=331399.

Det vert utstedt bevis for bestått kurs både for det digitale og det fysiske alternativet. Vi anbefaler å oppbevare kopi av kursbevisa i mappa for internkontroll, eller på anna lett tilgjengeleg måte på skjenkestedet. Hensikta er at Skjenkekontrollen skal kunne kontrollera at dei tilsette har tatt kurset ved kontroll på skjenkestaden.

Kontroll med skjenke-og salsbevillingane i Time kommune vert utført av ein interkommunal skjenkekontroll i regi av Rogaland brann og redning IKS.

Dersom skjenkekontrollen avdekkar at skjenke- eller salsstaden bryt reglane i alkohollova, vert det gitt reaksjon i form av prikktildeling. Gjentekne brot på alkohollovgivninga vil kunna føra til at skjenkestaden får inndrege skjenkebevillinga for kortare eller lengre tid. Kommunen kan også inndra bevillinga permanent.

For å verta godkjent som styrar eller vara må ein ha bestått kunnskapsprøva i alkohollova. Det er skjenkekontrollen som arrangerer disse. Les mer om skjenkekontrollen og påmelding til kunnskapsprøva.

Alle skjenkestader som har skjenkebevilling må senda inn oversikt over kor mykje alkohol (liter)dei forventar å selja neste år(omsetningsoppgåve). Ut frå omsetningsoppgåva gjer kommunen ei berekning på kor stort gebyr som bevillingshavar må betala til kommunen. 

Gebyrsatsar for skjenking av alkoholhaldig drikk kjem fram i alkoholforskrifta.

Fyll ut skjema for omsetningsopgåve

Regelverk for sal og servering