Fotland Mølle inviterer profesjonelle kunstnarar og kunsthandverkarar til å søka utstillingsplass. Det kan søkast om separatutstilling, duo- eller gruppeutstilling.
Søknadsmaterialet sendast samla i éin PDF til post@fotlandmolle.no og må innehalda:
- Kort skildring av prosjekt (maks 1 A4-side)
- CV
- Relevant biletmateriale
Merk med "Søknad_ditt namn". Søknadsfrist: 30. juni!
Som utstillar er du ansvarleg for installering og demontering av utstillinga. Time kommune skal gjera utstillinga kjend og sørga for utstillingsplakat. Time kommune er òg ansvarleg for vakthald, forsikring av utstilling, billettsal og tryggleik. Forsikringa gjeld ikkje transport til og frå utstillingslokalet. Det utbetalast dessverre ikkje utstillingshonorar. Me vil sjølvsagt stilla med intensjonsavtale som kan brukast ved søknadar om prosjekttilskot.
Alle som sender inn søknad vil få stadfesting på e-post om at søknad er mottatt. Ein komité med kunst- og kulturfagleg kompetanse vurderer søknadane, og me vil svara på søknadane i etterkant av komitémøtet i september. Spørsmål kan rettast til kurator og utstillingskoordinator ved Fotland Mølle, Kari Ann Lending Kleiveland, post@fotlandmolle.no.
Me ser fram til å ta imot søknaden din!