Du sendar inn søknadsskjema til kommunen via kommunen si nettside. Kommunen tek kontakt me deg og avtalar eit møte for å gjera ein individuell vurdering av ditt tjenestebehov. Ut i frå denne vurderinga vert søknaden din innvilga eller avslått.

Tenestene vert tildelt på lågast mogleg nivå slik tenestetrappa (PDF, 72 kB) viser.

Meir informasjon:

• Samhandling skal sikra gode og likeverdige helsetenester til alle som treng det. For meir informasjon på nettsida til Helse Stavanger (Stavanger Universitetssjukehus)
• På nettsida hva.kanhjelpe.no kan du finne råd, tips og erfaringar for å hjelpe deg med å finne løysningar som passar for deg

Tryggleiksalarmen skal sikra tryggleik for deg som bur heime. Du får ein alarmknapp som du har på deg rundt handleddet eller halsen.  Alarmen er ein enkel måte å få kontakt med omsorgstenestene på.  Tryggleiksalarmen fungerer berre i heimen din.

Tryggleiksalarmen er ikkje ein akutt teneste. Har du behov for akutt hjelp må du kontakte 113.

Kommunen leverer og koplar til utstyret, bortsett frå ein ekstra husnøkkel som må skaffast til veie av søkjar. Det tek opptil to veker å få tryggleiksalarm montert etter at søknad, fullmaktskjema og husnøkkel er motteke av teneste- og samordningskontoret.

Det er eigenbetaling for denne tenesta. Sjå kva tenesta kostar under "Kva kostar tenesta".

Fritidskontakt er ein kommunal teneste for personar som treng hjelp til å få ein aktiv fritid eller komma ut av ein isolert tilvere.

Fritidskontakten skal legga til rette slik at brukaren

• kan delta i ulike fritidsaktivitetar/tilbod
• får utvida det sosiale nettverket sitt
• får kontakt og støtte på eigne premissar

Saksbehandlar vel ut fritidskontakt saman med brukar.

Det er ingen eigenbetaling for denne tenesta.

Vil du verta fritidskontakt?

• Er du over 16 år?
• Vil vera saman med eit barn, ungdom eller vaksen med hjelpebehov på ulike fritidsaktiviteter? 

Svarar du ja på begge spørsmåla kan du søkje om å verta fritidskontakt i Time kommune. Du vil få opplæring før du startar.

Omsorgsstønad er stønad til pårørande som utfører særleg tyngande omsorgsarbeid for pleietrengande familiemedlemmer. 
Omsorgsoppgåvene må vurderast som særleg tyngande og ha eit omfang utover det som er rimeleg ein kan forventa.

Omsorgsstønad er ein teneste som det må søkjast om.
Avgjerda om omsorgsstønad vert teken etter grundig kartlegging av behov og omsorgssituasjonen, og vurdert opp mot andre tenester. Omsorgsstønad er timebasert.

Nokre tenester er gratis, mens andre tenester har eigenbetaling