Vinnarar av middag med Aron Espeland

15 innbyggarar er nå trekt ut og kan ta med seg ein gjest kvar til middag på Time rådhus onsdag 8. november. Maten vert laga og servert av verdsmeister i kokkekunst, Aron Espeland.

819 innbyggarar melde seg på konkurransen, som vart utlyst 18. oktober, om å få servert gratis middag av verdsmeister i kokkekunst, Aron Espeland.

Det var ordførar og kommunedirektør som inviterte til middagen, som vil føregå på Time rådhus onsdag 8. november kl. 19. 

Espeland, som nyleg vart nummer 3 i konkurransen Årets kokk, og som vann verdsmeisterskapet for unge kokkar i 2022, vil denne kvelden diska opp med ein herleg, hemmeleg 3-rettars meny.

Middagen er ei takk til Time kommune frå Espeland, etter at formannskapet i vår støtta han med 150 000 kroner til deltaking i Årets kokk.

15 vinnarar er nå tilfeldig trekt ut, og kvar av desse får ha med seg eitt følge kvar.

Vinnarane vert kontakta direkte for meir informasjon om kvelden.

Vinnarar: 

  • Joakim Grødem Mageland
  • Tordis Sandvik
  • Tor Jakob Dysjaland
  • Siv Lene Madsgård
  • Harald Lura
  • Merethe Aarstad Rasmussen
  • Lene Berberg Torkildsen
  • Egil Oftedal
  • Ørjan Lie
  • Gry Schiltz Johnsen
  • Venke Tjensvoll
  • Ingvild Haaverstad
  • Halvard Lyngra
  • Christine Salte
  • Harald Olsen
  •  

Tusen takk til alle som viste interesse for å vera med!